సీబీఐ చార్జిషీట్లు వేయడంలోనే కాలయాపన చేస్తూ కాంగ్రెస్ బ్యూ రో ఆఫ్ ఇన్వెస్టిగేషన్‌గా మారింది

చైతన్యపథంలో గళం విప్పిన జనం

‘వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి పై వచ్చిన ఆరోపణలు రుజువుకాలేదు. అయినప్పటికీ ఆయనను ఏడాదిగా జైల్లో నిర్బంధించారు. ఇది ముమ్మాటికీ కాంగ్రెస్ పార్టీ కక్షసాధింపు చర్యే’ అని పలువురు మేధావులు, సామాన్య ప్రజలు అభిప్రాయపడ్డారు. గూడూరులో మంగళవారం ‘సాక్షి’ ఆధ్వర్యంలో జరిగిన చైతన్యపథం చర్చా వేదిక లో వారు మాట్లాడుతూ.. ‘కరుడుకట్టిన తీవ్రవాదులకు కూడా కొద్ది నెలల్లోనే బెయిల్ మంజూరవుతుంది. అలాంటిది లక్షల మంది ఓటు వేసి పార్లమెంట్‌కు పంపిన జగన్‌మోహన్‌రెడ్డిని అకారణంగా ఏడాదిగా జైల్లో ఉంచడం ఏమిటి? ఆయనను రాష్ట్ర ప్రజలేగాక, దేశంలోని పలు రాష్ట్రాల్లో కోట్లాది మంది ప్రజల గుండెల్లో ఉంచుకున్నారు. 

అలాంటి వ్యక్తిని రాజకీయంగా ఎదుర్కోలేకే కాంగ్రెస్ పార్టీ నీచ రాజకీయాలకు పాల్పడుతోంది. కాంగ్రెస్ పార్టీకి టీడీపీ కొమ్ముకాస్తోంది. ప్రజాగ్రహానికి త్వరలో ఆ రెండు పార్టీలు కొట్టుకుపోవడం తథ్యం’ అని అభిప్రాయపడ్డారు. వారి మాటల్లోనే.. 
- న్యూస్‌లైన్,గూడూరు

సీబీఐని పావుగా వాడుకుంటున్న కాంగ్రెస్ 
కేంద్ర, రాష్ట్రంలోని కాంగ్రెస్ ప్రభుత్వాలు అత్యున్నత వి చారణ సంస్థ అయిన సీబీఐని పావులా వాడుకుంటున్నాయి. వైఎస్.జగన్‌మోహన్‌రెడ్డిని అక్రమం గా నిర్బంధించారు. బెయి ల్ మంజూ రులో నాన్పుడు ధోరణి వ్యవహరిస్తున్నా రు. ఇప్పటి వరకు ఎలాంటి నిరూపణలు చేయలేకపోయిన సీబీఐ మరో నాలుగు నెలల పాటు సమయం కావాలని అడగడం విడ్డూరంగా ఉంది. 
- డాక్టర్ ఉదయ్‌కుమార్, 
సూళ్లూరుపేట

నియంత పాలనకు నిదర్శనం 
వైఎస్.జగన్‌మోహన్‌రెడ్డిని ఏడాది నుంచి అక్రమంగా నిర్బంధించి బెయిల్ మం జూరుకు అడ్డుపడుతున్న కేంద్రం, రాష్ట్రంలోని కాం గ్రెస్ ప్రభుత్వం నియంతగా వ్యవహరిస్తోంది. కాంగ్రెస్ ప్రభుత్వం సీబీఐని చెప్పు చేతల్లో ఉంచుకుని వైఎస్సార్ కుటుంబంపై కక్షసాధింపు చర్యలు చేపట్టింది. ఎన్నో కేసులు సీబీఐ విచారణలో ఉన్నప్పటికీ ఒక్క జగన్‌మోహన్‌రెడ్డి కేసునే ప్రత్యేకంగా చూస్తూ ఇబ్బందులకు గురి చేస్తోంది. 
- జానకిరామిరెడ్డి, సామాజిక కార్యకర్త, గూడూరు


హక్కులు ఉల్లంఘనే
వైఎస్ జగన్‌మోహన్‌రెడ్డి కేసులో సీబీఐ చేపట్టిన ధోరణి చూస్తుంటే హక్కుల ఉల్లంఘన వం దకు వంద శాతం ఉందని స్పష్టమవుతోంది. ఎన్నో కేసులు దేశవ్యాప్తంగా సీబీఐ చేతిలో ఉన్నప్పటికీ కాంగ్రెస్ ప్రభుత్వ కనుసన్నల్లోనే జగన్‌మోహన్‌రెడ్డి కేసును దర్యాప్తు చేస్తూ పంజరంలో చిలకలా సీబీఐ వ్యవహరిస్తోంది. అత్యున్నత న్యాయస్థానాలు సీబీఐని తప్పుపటినా చీమకుట్టినట్లు కూడా లేదు.
- దేవారెడ్డి బాబురెడ్డి, న్యాయవాది, కోట

చార్జిషీటులతోనే కాలయాపన 
జగన్‌మోహన్‌రెడ్డిని అరెస్టు చేసి ఏడాది పూర్తి అయినప్పటికీ సీబీఐ చార్జిషీట్లు వేయడంలోనే కాలయాపన చేస్తూ కాంగ్రెస్ బ్యూ రో ఆఫ్ ఇన్వెస్టిగేషన్‌గా మారింది. అరెస్టయిన వా రికి 90 రోజుల్లోనే బెయిల్ మంజూరవుతుంది. అయితే కాంగ్రెస్ జేబు సంస్థగా ఉన్న సీబీఐ దర్యాప్తు నత్తనడకన సాగిస్తుస్తోంది. ఏడాదిగా జగన్‌కు బెయిల్ మంజూరు కాకుండా సీబీఐ అడ్డుపడుతోంది. 
- ఎస్‌ఎం.బాషా, 
రిటైర్డ్ ఎంప్లాయిస్ యూనియన్ అధ్యక్షుడు, చిల్లకూరు

ప్రజల గుండెల్లో కొలువైనందుకే 
వైఎస్సార్ కుటుంబం ప్రజల గుండెల్లో చోటు సంపాదించుకున్నందునే కాంగ్రెస్ ప్రభుత్వం కుట్రపూని జగన్‌మోహన్‌రెడ్డిని జైలు పాలు చేసింది. జనాదరణ పొందుతున్న జగన్‌మోహన్‌రెడ్డిని చూసి ఓర్వలేని కాంగ్రెస్ ప్రభుత్వానికి ప్రజలు బుద్ధిచెప్పే రోజులు దగ్గరలోనే ఉన్నాయి. ఇన్ని రోజులు జగన్‌ను జైల్లో ఉంచడం విచారకరం.
- వి.లలితమ్మ, 
పొదుపు సంఘం అధ్యక్షురాలు, చిట్టమూరు - See more at: http://www.sakshi.com/main/FullStory.aspx?catid=612277&Categoryid=1&subcatid=33#sthash.2uTaunMk.dpuf